GROOT-BRAKRIVIER NUUS - Heinrich Riddles (20), 'n verdagte in 'n mesaanval wat gedurende Januarie op Groot-Brakrivier plaasgevind het, bly steeds in aanhouding.
Riddles het op 4 Februarie in die landdroshof op Groot Brak verskyn en sal na verwagting op 18 Februarie in dieselfde hof vir borgtog aansoek doen.
Die voorval het in die parkeerarea van OpiSpoor Restaurant en Pub plaasgevind en drie persone is beseer: Hugo Botha ('n kliënt), Chelsea Fort (bestuurder van die restaurant), asook die kroegman, met wie die Mossel Bay Advertiser tot op hede nog nie kontak kon maak nie.
Die drie slagoffers het verskeie wonde opgedoen. Die motief vir die aanval is nog onbekend.
Die tweede verdagte wat in hegtenis geneem is, is vrygelaat. Die Advertiser het navrae aan die polisie oor die rede vir die vrylating gestuur, maar het nog nie enige terugvoer ontvang nie.
Dié verdagte het nie in die hof verskyn nie en kan dus nie geïdentifiseer word nie.
Vorige artikels:
‘Meer as 25 steekwonde’ tydens aanval in Groot Brak parkeerterrein
Een verskyn in hof ná mesaanval op Groot Brak
Man wat glo met mes aanval steeds in aanhouding
‘Ons bring jou die nuutste Tuinroete, Hessequa, Karoo nuus’
