Update

MOSSELBAAI NUUS - Inwoners van Mosselbaai het ‘n petisie geteken teen borgtog vir die verdagte in die Desmond Share  (52) moordsaak.

Die 30-jarige Shadreck Mhetu sal moreoggend, 15 Augustus, sy tweede verskyning in die Mosselbaai-landdroshof maak op aanklagte van moord, ontvoering en kaping.

Share is op Dinsdag 1 Augustus deur sy familie as vermis aangemeld nadat hy die oggend Herbertsdale toe was om werk te doen.

Sy liggaam is op Saterdag 5 Augustus tussen bosse naby Albertinia gevind. Die oorsaak van sy dood is nog nie bekend nie. Share se wit Ford Ranger is ná wat verneem word steeds, vermis.

Mhetu is in Du Noon in Kaapstad deur die polisie in hegtenis geneem. Nog drie verdagtes, wat met Share se moord verbind kan word, is steeds op vrye voet.

Hy sal môre om borgtog aansoek doen.

Vorige artikels:

• 1 in hof vir moord op Share
  
• Verdagte in hof vir moord op Desmond Share
• Desmond Share se dood bevestig
• Vermiste man se bril gevind
• Vermiste man se voertuig op kamera gesien
• Hartenbos-sakeman word vermis

‘Ons bring jou die nuutste Tuinroete, Hessequa, Karoo nuus’