MOSSELBAAI NUUSFLITS - Op Vrydag, 15 April, het AfriForum Mosselbaai-tak om ongeveer 14:00 basiese watertoetse op twee plekke, in die middel van die rivier op ‘n diepte van ongeveer 30mm en by die sementmuur aan die suidekant na aan die parkeerterrein by die Hartenbosrivier se mond gedoen.
Die bevindinge van hierdie toetse was soos volg :
• Nitrate: Dit is op beide plekke binne perke.
• Fosfate: Baie verhoogde fosfaat vlakke is aangetref (Lesing van 50 waar die aanvaarbare vlak 15.33 is).
• Fikale Kolivorme op beide plekke aangetref.
• Esherica coli (e-coli) op beide plekke aangetref.
• Nitrate: Dit is op beide plekke binne perke.
• Fosfate: Baie verhoogde fosfaat vlakke is aangetref (Lesing van 50 waar die aanvaarbare vlak 15.33 is).
• Fikale Kolivorme op beide plekke aangetref.
• Esherica coli (e-coli) op beide plekke aangetref.
Om die uitslae van die basiese toetse te bevestig sal SANS 241 toetse gedoen moet word. Eden Distrikmunisipaliteit se Gesondheidsdepartement het egter reeds op Vrydagoggend 15 April ook monsters geneem en vir ontleding na Kaapstad versend. Dié uitslae behoort teen Donderdag, 21 April bekend te wees.
Afriforum het reeds op 11 Februarie watertoetse op vier verskillende plekke in die Hartenbosrivier gedoen.
Die toetse is saamgestel deur die Universiteit Vrystaat en is 'n basiese toets wat slegs aandui of water besoedel is al dan nie, en slegs gemik is op nitrate, fosfate, fekale koliforme en escherichie coli.
Lees meer in Vrydag se Mossel Bay Advertiser, asook aanlyn.
'Ons bring jou die nuutste Mosselbaai, Tuinroete nuus'
