Só het ’n ouer van Hoërskool Marais Viljoen gesê nadat haar dogter nie na die matriekafskeid wat onlangs gehou is, uitgenooi is nie.
Sy het gesê briewe, waarvan die RECORD ’n afskrif het, is tydens die rekordeksamen aan uitgesoekte leerders uitgedeel om hulle te verwittig dat hulle nie ’n uitnodiging na die matriekafskeid ontvang nie omdat hulle nie aan die vereistes voldoen nie.
Van die vereistes wat aangevoer is, is onder andere skoolgelde wat op datum betaal moet wees.
“Dié kinders is voor die ander graad 12-leerders verneder toe daar vir hulle gesê is dat hulle nie uitnodigings ontvang nie en daarom die saal moet verlaat sodat daar met die leerders, wat wel uitnodigings ontvang het, gesels kan word.”
