GROOT-BRAKRIVIER NUUS - Die ma van 'n 9 maande oue baba van Groot-Brakrivier, wat 'n maand gelede verskeie brandwonde opgedoen het, het vandag in die Groot-Brakrivier Hof op aanklagte van kinderverwaarlosing en kindermishandeling verskyn.
Dit volg nadat die vrou se dogter meer as 30% brandwonde opgedoen het toe sy na bewering alleen by die huis gelos is met 'n brandende kers langs haar bed. Sy het ernstige brandwonde aan haar bene, arm en kop opgedoen.
Polisie het bevestig dat die kind se arm onder haar elmboog geamputeer is.
Die 26-jarige ma het vlugtig voor Landdros Retha Pretorius verskyn waarna die saak na die Mosselbaai Streekhof uitgestel is vir 10 November.
Die baba word steeds vir haar beserings behandel.
Die woordvoerder van die Rooikruis Kinderhospitaal, Angelique Jordaan het bevestig dat die in 'n stabiele toestand is.
Klik hier vir vorige artikels:
- Ma in hof na baba brand
- Ma gearresteer na baba brand
- Baba kritiek na brand
- 9-maande oue baba doen brandwonde op
'Ons bring jou die nuutste Groot-Brakrivier, Tuinroete nuus'
