Update
GROOT BRAKRIVIER NUUS - Die twee-en-twintig-jarige Francois Stander, wat in Augustus uit aanhouding by die Groot-Brakrivier-polisiestasie ontsnap het, is tot ses maande gevangenisstraf gevonnis op 'n aanklag van ontsnapping.
Stander het op Dinsdag, 20 Oktober in die Groot-Brakrivier Landdroshof verskyn.
Hy het na bewering uit aanhouding ontsnap omdat hy glo 'n bootenjin gesteel het. Volgens die polisie was hy onderweg na 'n hofverskyning wat verband hou met die diefstal-aanklagte, toe hy weggehardloop het.
Stander is twee weke na sy verdwyning op Jeffreysbaai vasgekeer.
Hy is tot ses maande direkte gevangenisstraf gevonnis en sal weer in die hof verskyn op die aanklag van diefstal.
Vorige artikels:
- Stander steel glo bootenjin
- Man vas na ontsnapping
- Circumstances of suspect's escape at court investigated
- Man ontsnap uit aanhouding
'Ons bring jou die nuutste Groot Brakrivier, Tuinroete nuus'
