MOSSELBAAI NUUS - Die afgelope Saterdag se mooi weersomstandighede het tot gesorg dat die duiwe van die Mosselbaai Posduifklub wat aan die Tuinroete en SKDU se onderskeie wedvlugte van Strydenburg deelgeneem het, hul hokke vinnig kon bereik.
Erik van Eeden is eerste om 'n duif in die Tuinroete se Ope-afdeling te klok. Dié duif is slegs enkele sekondes voor 'n duif van Barnard & Rousseau wat die tweede plek inneem en een van Rob Edwards van R&R Lofts wat die derde plek inneem. 'n Totaal van 160 duiwe het aan hierdie wedvlug deelgeneem, met Van Eeden se duif wat die afstand van 488km in net minder as ses ure aflê.
In die SKDU se Ope-afdeling klok Barnard & Rousseau die eerste en tweede duiwe in die Mosselbaai-klub, met Calitz Boshoff Suzy in die derde plek.Gillroy en Snyman Lofts klok enkele sekondes uitmekaar in die SKDU se Jaaroud-afdeling om onderskeidelik die eerste en tweede plekke in hierdie afdeling in die Mosselbaai-klub in te neem. Derde was 'n duif van Barnard & Rousseau.
Tuinroete Ope: Van Eeden Lofts (1); Barnard & Rousseau (2, 5, 6, 14, 21, 22, 23, 29, 30); R&R Lofts (3, 4, 11, 12, 13, 25); Gillroy (7, 8, 9, 15, 16, 20); Rudolf van Zyl (10, 17, 18, 19); Hekka Fourie (24); Snyman Lofts (26, 27, 28).
SKDU Ope: Barnard & Rousseau (1, 2, 5, 6, 7, 10, 11, 18, 27); Calitz Boshoff Suzy (3, 28); Gillroy (4, 8, 9, 19, 30); Snyman Lofts (12, 17, 29); Christo Pretorius (13, 15, 20, 21, 22, 23); Daan Stander (14, 24, 25); AJE Lofts (16, 26).
SKDU Jaaroud: Gillroy (1, 9, 10, 11, 18, 26); Snyman Lofts (2, 21, 27); Barnard & Rousseau (3, 4, 5, 6, 7, 8, 15, 16, 19, 20, 29); Calitz Boshoff Suzy (12); Daan Stander (13, 17, 22, 23, 24, 28); Jan & Renier (14); Christo Pretorius (25); AJE Lofts (30).
'Ons bring jou die nuutste Mosselbaai, Tuinroete nuus'
