MOSSELBAAI NUUS - Bertus du Toit en Sonja Munro, beide verbonde aan Oosthuizen Marais en Pretorius (OMP) Prokureurs op Mosselbaai, het verlede Saterdag in die kleure van Hartenbos-drawwers aan die Ultra 56km Twee Oseane-marathon in Kaapstad deelgeneem en dit voltooi.
Dit was Bertus se sewende Ultra Marathon.
Sonja het in 2016 met parkrun begin en na omtrent twee jaar is die saadjie vir deelname aan langer afstande geplant en so doen sy toe vanjaar haar eerste Ultra.
OMP Prokureurs wens hulle geluk met hierdie prestasie en sê "ons is baie trots op julle!"
Gelukwense deur OMP Prokureurs gaan ook aan "elke atleet by Hartenbos-drawwers wat die Ultra 56km en 21km Twee Oseane-marathon gedoen het."
'Ons bring jou die nuutste Mosselbaai, Tuinroete nuus'
