MOSSELBAAI NUUSFLITS - Die verhoor van 'n 42-jarige man van Tergniet in Groot-Brakrivier wat na bewering sy ma verkrag het, is op die hofrol geplaas vir 27 Julie.
Die verdagte, wat in aanhouding bly, het 'n geruime tyd vir 'n bed in die Valkenburg Psigiatriese Hospitaal gewag.
Die man word daarvan aangekla dat hy sy bejaarde ma vir 'n geruime tydperk verkrag het.
Die 79-jarige vrou was glo in 'n verwaarloosde toestand toe lede van die Mosselbaai Gesinsgeweld, Kinderbeskerming en Seksuele Misdrywe Eenheid die saak begin ondersoek het.
Adjudant Maria Gerber van die eenheid het die verdagte gearresteer toe die beweerde verkragting op die lappe kom. Boonop word man ook daarvan aangekla dat hy 'n dogtertjie wat na bewering 'n familielid is verkrag het.
Die bejaarde vrou is intussen aan natuurlike oorsake oorlede.
Toetse wat met die man gedoen is by die psigiatriese hospitaal het aangetoon dat hy toerekeningsvatbaar is en dus geweet het wat hy doen tydens die dade.
Vorige artikels:
- Man verkrag glo ma
- Hoë profiel hofsake vandag op die rol
- Opvolg: Saak van man wat glo ma verkrag uitgestel
- Man wat glo ma verkrag in hof
- Geen borg vir man wat ma glo verkrag
- Opvolg: Man verkrag glo ma
- Man verkrag glo ma
'Ons bring jou die nuutste Mosselbaai, Tuinroete nuus'
