GROOT-BRAKRIVIER NUUS - Nog geen verdagtes is gearresteer nadat die liggaam van die 17-jarige Lesley-Ann Maya op 18 April in Powertown gevind is nie.
Die tiener van die Groot-Brakrivier Sekondêre Skool, se liggaam is op Saterdag, 18 April naby Klein-Brakrivier gevind. Die graad 11-leerder is tussen riete, skaars 1km van haar huis in Powertown deur haar ouma, Lena Williams, gekry.
Familie het sedert Maandag, 13 April na haar gesoek. 'n Nadoodse ondersoek het bevestig dat Lesley-Ann verwurg is.
Haar roudiens vind môre (Donderdag) om 19:00 by gemeenskapsaal in Klein-Brakrivier plaas en Saterdagoggend 2 Mei is 'n huisdiens in Powertown om 09:30 en 'n kerkdiens om 11:00 by die AGS Kerk in Groot-Brakrivier.
Die Suid-Kaap Polisiewoordvoerder, kapt Bernadine Steyn, het 'n beroep op die gemeenskap gedoen om na vore te kom met inligting en die ondersoekbeampte in die saak, Ao Paul Scheepers, te kontak by 044 620 8309.
Klik hier vir vorige artikels:
- Lesley-Ann is gevind
- Liggaam in Klein Brak gevind
- Waar is Lesley-Ann?
- 17-jarige meisie steeds vermis
- 17-jarige Groot Brak-meisie vermis
'Ons bring jou die nuutste Groot-Brakrivier, Tuinroete nuus'
