MOSSELBAAI NUUSFLITS - Die verhoor van ‘n 30-jarige man van Mosselbaai, Quintin Seyffert, wat na bewering ‘n vriend van hom keelaf gesny het, begin vandag in die Mosselbaai Streekhof.
Polisie het Seyffert gearresteer kort nadat die 55-jarige Daniel Bekker in Augustus, 2014 dood in sy Heiderand woonstel gekry is.
Seyffert, wat vir ‘n geruime tyd by die oorledene gebly het, het na bewering Bekker se keel met ‘n mes gesny waarna hy met die oorledene se motorfiets op die vlug geslaan het.
Die Valkenburg psigiatriese hospitaal het Seyffert vroeër toerekeningsvatbaar vir verhoor bevind. Die staat sal na verwagting vandag sy eerste getuie roep.
Klik hier vir vorige artikels:
- Man wat glo keel afsny in hof
- Opvolg: Heiderand-moordsaak
- Keel-afsny verdagte in Valkenburg
- Opvolg: Man in hof vir Heiderand moord
- Opvolg: Grusame moord skok gemeenskap
ARTIKEL: LOUISE KARSTEN, MOSSEL BAY ADVERTISER-JOERNALIS
'Ons bring jou die nuutste Mosselbaai, Tuinroete nuus'
