MOSSELBAAI NUUS - Die man wat daarvan aangekla word dat hy die tiener, Anika Smit, vermoor het verskyn vandag in die Pretoria-Noord Landdroshof.
Die 26-jarige André van Wyk, wat onder sy vriende bekend staan as “Smiley” is tydens sy vorige hofverskyning vir 50 dae evaluasie na die Weskoppies-psigiatriese hospitaal verwys. Hy is sedertdien bevoeg bevind om verhoor te word.
Die 17-jarige Smit is verkrag en vermink in haar pa se Theresa Park huis in 2010.
Polisie sê op die dag van Smit se moord, het sy by die huis gebly weens ‘n oorinfeksie. Sy is verkrag, keel afgesny en haar hande, wat afgesny is, is nooit gevind nie.
Die hof sal na verwagting vandag op ‘n hooggeregshofdatum beslis.
Smit se ma, Charlotte Eksteen wat op Mosselbaai woon, sê sy gaan nie vandag se hofverrigtinge bywoon nie.
Eksteen sê sy sal die verrigtinge bywoon sodra die saak op verhoor gaan.
Eksteen sê sy bly hoopvol dat gereg sal seevier. Sy sê haar familie worstel daagliks met onbeantwoorde vrae oor haar dogter se moord.
Klik hier vir vorige artikels:
- Man erken moord op meisie na meer as 6 jaar
- Inquest ordered into Pretoria girl's murder
- Hartenbos ma na Gauteng vir hofsaak
ARTIKEL: LOUISE KASTEN, MOSSEL BAY ADVERTISER-JOERNALIS
'Ons bring jou die nuutste Mosselbaai, Tuinroete nuus'
