HARTENBOS NUUS & VIDEO - In slegs 1:47 sekondes het drie gewapende mans die OK Minimark op Hartenbos op Sondagaand, 28 Junie van 'n aansienlike bedrag kontant beroof.
Hulle het doodluiters by die winkel ingestap, die geld gevat en in 'n silwerkleurige klein voertuig, vermoedelik 'n Chev Spark, ontsnap.
Dit is die tweede keer sedert Januarie vanjaar dat die OK Minimark op Hartenbos onder rowers deurgeloop het, en het plaasgevind sowat 'n maand voordat die nuwe eienaars van die besigheid besit sal neem.
Sedertdien is die kontanthouers en die nommerplaat van die voertuig waarin die rowers ontsnap het, naby die N2 aansluiting by die Hartenbos Landgoed opgespoor.
Houtgerus
Omstreeks 19:30 het die mans, almal geklee in groen oorpakke, houtgerus die winkel ingestap. Een het onmiddellik na die agterkant van die winkel geloop.
'n Ander het 'n vrou, wat by die toonbank gestaan het, met 'n vuurwapen gedreig en haar en 'n man gedwing om tussen die rakke op die grond te gaan lê.
Die teller agter die toonbank is gedwing om weg van die kasregister te staan. 'n Derde rower het die winkelbestuurder, mnr Rolin du Plessis, eenkant toe gedwing en die kluis van al die kontant gestroop.
Een van die mans het 'n klankversterker uit die muur geruk en daarmee gevlug, waarskynlik onder die indruk dat hy die geslotekringopnemer gevat het.
Omstreeks 19:30 het die mans, almal geklee in groen oorpakke, houtgerus die winkel ingestap. Een het onmiddellik na die agterkant van die winkel geloop.
'n Ander het 'n vrou, wat by die toonbank gestaan het, met 'n vuurwapen gedreig en haar en 'n man gedwing om tussen die rakke op die grond te gaan lê.
Die teller agter die toonbank is gedwing om weg van die kasregister te staan. 'n Derde rower het die winkelbestuurder, mnr Rolin du Plessis, eenkant toe gedwing en die kluis van al die kontant gestroop.
Een van die mans het 'n klankversterker uit die muur geruk en daarmee gevlug, waarskynlik onder die indruk dat hy die geslotekringopnemer gevat het.
Die Da Gamaskop polisie versoek enigiemand wat die drie mans kan eien, wat die polisie met hul ondersoek na die gewapende roof by die OK Minimark in Hartenbos behulpsaam kan wees, om met die ondersoekeenheid by 044 606 2200 te kontak.
Blitsvinnig
"Wanneer 'n wapen op jou klant gerig word, werk jy saam," het die eienaar, mnr Danie Benecke, aan die Mossel Bay Advertiser berig.
Hy sê alles het blitsvinnig gebeur en meeste van die verloop van die rooftog is met die winkel se geslotekringkameras opgeneem.
"Die rowers het hoofsaaklik met kontant uit die kluis gevlug," het hy berig.
"Die enigste twee klante wat toe in die winkel was, 'n paartjie wat koopkrag wou koop, is deur die rowers tussen die winkelrakke ingedwing en beveel om op die grond te lê," aldus Benecke.
"Ons het gesien 'n man in 'n groen oorpak stap die winkel in, die volgende man wat ingekom het, ook in groen klere, het onmiddellik my vriendin se beursie uit haar hand gegryp en ons met sy vuurwapen tussen die rakke ingedwing en beveel om op die grond te lê. Hulle het my deursoek en my beursie, selfoon en motorsleutels gesteel," sê Thinus de Beer, die ander klant in die winkel.
"Al wat deur my kop gegaan het, en wat ek vir Bettie gesê het, was om kalm te bly."
"Wanneer 'n wapen op jou klant gerig word, werk jy saam," het die eienaar, mnr Danie Benecke, aan die Mossel Bay Advertiser berig.
Hy sê alles het blitsvinnig gebeur en meeste van die verloop van die rooftog is met die winkel se geslotekringkameras opgeneem.
"Die rowers het hoofsaaklik met kontant uit die kluis gevlug," het hy berig.
"Die enigste twee klante wat toe in die winkel was, 'n paartjie wat koopkrag wou koop, is deur die rowers tussen die winkelrakke ingedwing en beveel om op die grond te lê," aldus Benecke.
"Ons het gesien 'n man in 'n groen oorpak stap die winkel in, die volgende man wat ingekom het, ook in groen klere, het onmiddellik my vriendin se beursie uit haar hand gegryp en ons met sy vuurwapen tussen die rakke ingedwing en beveel om op die grond te lê. Hulle het my deursoek en my beursie, selfoon en motorsleutels gesteel," sê Thinus de Beer, die ander klant in die winkel.
"Al wat deur my kop gegaan het, en wat ek vir Bettie gesê het, was om kalm te bly."
Die rowers is houtgerus op pad uit die kontantkantoor.
De Beer het vantevore so 'n ervaring gehad en sê dit het hom toegerus om sy samewerking aan die rowers te gee.
Alles het egter gevoel of dit net sekondes geduur het; die mense was goed georganiseerd," meen De Beer.
Die OK Minimark is in Januarie vanjaar, ook in die vakansietyd, geteiken toe gewapende rowers die winkelbestuurder in hul voertuig se kattebak toegesluit en met hom weggejaag het. Dieselfde bestuurder moes Sondagaand die tweede rooftog deurgemaak.
"Een van my personeel het opgemerk dat 'n voertuig by herhaling by die winkel verbyry. Hy was nog buite toe een van die rowers by hom verbyloop en in Engels met hom gepraat het. Beide die personeel is baie geskok deur die voorval," het mnr Benecke gesê.
Hy het genoem dat hy sedert die vorige voorval beveiliging by die winkel opgeskerp het, maar dat hy na hierdie voorval op Sondagaand weer die sekuriteit van die perseel onder die loep sal neem.
Hy het bygevoeg dat hy sal sorg dat sy personeel die nodige berading kry om hulle te help om die voorval te verwerk.
Die Da Gamaskop ondersoek-eenheid vra dat enige persoon wat enige van die drie mans kan eien om 044 606 22 00 te kontak.
"Die polisie is van mening dat die drie mans behulpsaam kan wees in die ondersoek na die rooftog," berig die Da Gamaskop polisie kommunikasiebeampte, Kapt Wollie Fourie.
Hoe die slagoffers dit ervaar het:
Kyk nou na 'n video hier onder.
Die video is 'n samestelling van beeldmateriaal van kringtelevisiekameras in die winkel.
Die eienaar van die OK MiniMark op Hartenbos, mnr Danie Benecke, het sy frustrasie met die tweede gewapende roof binne slegs 'n paar maande by sy besigheid uitgespreek.
Polisie het Sondagaand, 28 Junie, vinnig reageer nadat die OK Minimark in Hartenbos deur vermoedelik vier gewapende mans in totaal beroof is.
ARTIKEL: NICKEY LE ROUX, MOSSEL BAY ADVERTISER - JOERNALIS.
'Ons bring jou die nuutste Hartenbos, Tuinroete nuus'
