_59336.jpg)
LANDBOU NUUS - Die jaarlikse George kudde-evaluering wat op Vrydag, 26 Augustus, op George plaasgevind het, was 'n groot sukses.
Twee groepe was onder beoordeling (Merinos en Dohne Merinos) en 10 deelnemers het elk agt ooie ingeskryf. Die gehalte van ooie was baie goed en die uniformiteit tussen ooie uitstekend.
Die kompetisie is deur Gawie Van Wyk (NWKV – Carnarvon) en Corné Nel (BKB skaap- en wolbeampte Beaufort-Wes) beoordeel. Die punte is deur Jannie Fourie (NWKV – Caledon) verwerk.
Pieter Aucamp en Hennie Senekal van BKB Mosselbaai / Riversdal het met die reëlings gehelp en Gerhard du Toit en Deon Greyling van BKB skeerdiens het die dag afgesluit met skeerdemonstrasie wat almal baie geniet het.
Uitslae
Algehele wenner: André de Jager – Swartklip, Albertinia; 2. Saag Jonker Familie Trust – Schoonberg, Herold.
Beste ooi: André de Jager – Swartklip, Albertinia. 2. André de Jager.
Beste wol: André de Jager; 2. Saag Jonker Familie Trust – Schoonberg, Herold.
Beste bouvorm: André de Jager – Swartklip, Albertinia; 2. Mias Nieuwoudt – Eseljacht, Herold.
Beste vordering: Mias Nieuwoudt, Herold; 2. Nico Bester – Louvain Plase, Herold.
Algehele wenner: Petra en Thys du Toit – Buffelsfontein, Mosselbaai; 2. Johan Coetzee – Lamond Bdy, Mosselbaai.
Beste ooi: Pertra en Thys du Toit – Buffelsfontein, Mosselbaai; 2. Johan Coetzee – Lamond Bdy, Mosselbaai.
Beste wol: Petra en Thys du Toit – Buffelsfontein, Mosselbaai; 2. George Van Reenen – Ganzekraal, Herold.
Beste bouvorm: Petra en Thys du Toit – Buffelsfontein, Mosselbaai; 2. Johan Coetzee – Lamond Bdy, Mosselbaai.
Beste vordering: George Van Reenen – Ganzekraal, Herold; 2. Henry Meyer – Pleasant View, Hartenbos.
'Ons bring jou die nuutste Tuinroete, Klein Karoo, Hessequa nuus'
