MOSSELBAAI NUUS - Die Hartenbos parkrun het verlede week afgeskop met 311 deelnemers, en die afgelope Saterdag het 297 deelnemers die trietsige weer trotseer om die vyf kilometer pretdraf aan te pak.
Die parkrun gaan voort, ongeag die weer, juis om dit die die perfekte geleentheid te maak om parkrun punte te verhoog, aangesien daar minder deelnemers op reëndae is.
Deelnemers word mikpunte gestel om punte te versamel. Elke eerste plek verdien 100 punte, 'n tweede plek is 99 punte werd, en so word elke plasing minder punte werd tot by die honderdste posisie wat net een punt werd is. Elke ander deelnemer daarna verdien ook net een punt.
Op reëndae, met minder deelnemers, is dit dus vir die deelnemers makliker om punte te verdien. Vrywilligers verdien 100 punte.
'n Spesiale T-hemp word gegee aan deelnemers wat 50, 100, 250 en 500 pakrun's voltooi het. Dit word vinnig behaal deur getroue deelname.
George en Knysna het reeds 'n parkrun waaraan atlete gerus ook kan deelneem. Die lekker van parkrun is dat alle deelname vir punte getel word, ongeag waar in die wêreld aan 'n parkrun deelgeneem word.
Oudtshoorn se parkrun begin op 18 April en Prince Albert se eerste byeenkoms is op 6 Junie. Beplan gerus om 'n naweek daarvan te maak en ondersteun gerus die ander byeenkomste ook.
Jaun-Prierre du Plessis (SM25-29) eerste (tweede algeheel) in 22:11 - eerste deelname.
Hj Nell (JM10) van Hartenbos Drawwers, was tweede (derde algeheel) in 22:28.
Arno Swanepoel (JM15-17) was derde (vyfde algeheel) in 22:37.
Jandri Snyders (JW11-14) van Hartenbos Drawwers, was eerste (eerste algeheel) in 21:48 - eerste deelname.
Danelle Human (JW11-14) van Hoërskool Punt Atletiek, was tweede (vierde algeheel) in 22:34.
Elriette Snyman (JW15-17) van Hartenbos Drawwers, was derde (11de algeheel) in 24:50.
Klik op die skakels hieronder vir vorige artikels:
'Ons bring jou die nuutste Mosselbaai, Tuinroete nuus'
