MOSSELBAAI NUUS - Die Bestmed Eden Straatmylreeks was weereens 'n groot sukses.
Die meer as R80 000 prysgeld het beslis bygedra om die top atlete in die land te laat aantree.
Duisende toeskouers het die strate belyn om Suid-Afrika se top myl-atlete te sien. Dit was veral die “tweestryd” tussen Olimpiese atleet, LJ van Zyl en sy ewe bekende Protea-atleetvrou, Irvette, wat ook die belangstelling gaande gemaak het – en Irvette het hierdie keer as die wenner uit die stryd getreë!
Die byvoeging van die fietsry-straatmyle in Oudtshoorn het die toeskouers gaande gehad.
Maar die man van die reeks was beslis Amos Nyonga [Transnet AC] van Port Elizabeth. Hy hy sy erns bewys deur die reeks in te lei met ‘n skitterende droom-straatmyl van 3:55.60 tydens die Bestmed KLEIN KAROO Straatmyl op Oudtshoorn. Dit het hy opgevolg met ‘n wen tydens die Bestmed NMMU: [George Kampus] wedloop met ‘n tyd van 4:07.57 wat hy opvolg met ‘n wen in die Bestmed AKTV-Straatmyl in Hartenbos [4:02.16]. Hierdie puik prestasies het hom ook die wenner van die KOVSIES Gran Prix-prys vir mans gemaak! In die tweede plek op Hartenbos was Jeromy Andreas [4:03.40] en derde was Kabelo Melamu [4:03.50].
Die dames-afdeling het vir opwindende kompetiesie gesorg – die Bestmed KLEIN KAROO Straatmyl is gewen deur Kesa Molotsane [KOVSIES] gevolg deur die vorige jaar se wenner, Simonay Weitsz. Simonay verhang egter die bordjies op die Bestmed NMMU: [George Kampus] Straatmyl met Kesa tweede en toe kom Irvette van Zyl en krap die kaarte behoorlik deurmekaar en wen die Bestmed AKTV Straatmyl in Hartenbos. Tweede was Kesa Molotsane [4:51.74] en in die derde plek Simonya Weitsz [4:56.09]. Kesa Molotsane het egter genoeg punte opgebou in haar drie wedlope om as die KOVSIE Gran Prix wenner vir dames gekroon te word.
Die SWD-atlete se Gran Prix is gewen deur Ruben Dlepu [mans] en Bianca le Grange [dames]
Die uitslae van die Bestmed ATKV Straatmyle was as volg:
O/13 Dogters:
1. Nadia Potgieter [5:09.85], 2. Abigail Nelson [5:19.35], 3. Stephany Pedro [5:22.84]
0/13 Seuns:
1. Luther Blaauw [5:06:14], 2. Ian de Fouw [5:25.09], 3. Corne Fouw [5:32.09]
Junior Mans:
1. Kabelo Melamu [4:03.50], 2. George Kusche [4:05.90}, 3. McMarshall Hartzenberg [4:08.64],
Junior Dames:
1. Simonay Weitsz [4:56.09], 2. Chery-Lee Schoeman [5:02.96], 3. Shanley Koekemoer[5:16.45]
Mans 40+:
1. Selwyn Losper [5:19.66], 2. Jimmy Wright [5: 24.68], Derick Burger [5:53.98]
Dames 40+:
1. Lana Theunissen [5:45.71], 2. Phylis de Fouw [5:47.71], 3. Carla Rossouw [6:38.96]
Top 3 ASWD Mans:
1. Ruben Dlepu [4:12.89], 2. Godwin Heyns [4:14.64], 3. Dullan Solomons [4:27.91]
Top 3 ASWD Dames:
1. Bianca le Grange [5:42.71], 2. Lara Theunissen [5:45.71] 3. Karyn Engelbrecht [6:09.71]
'Ons bring jou die nuutste Mosselbaai, Tuinroete nuus'
