Update

MOSSELBAAI-NUUS: Power Town se inwoners hoop dat die ongebruikte kragsentralegebou behoue sal bly en nie gesloop word nie.

Gemeenskapsleier Cedric Jansen het die afgelope week aan Mossel Bay Advertiser gesê die gebou staan reeds dekades lank, en is volgens hom nog nooit amptelik gesluit nie.

Saam met twee ander gemeenskapsleiers, Sarah Jansen en Antoinette Laws, sê Cedric dat die gemeenskap nie die gebou daagliks gebruik nie, maar dat gemeenskapsvergaderings soms in 'n gedeelte daarvan gehou word.

Kerkdienste vind ook van tyd tot tyd daar plaas.

Die Mosselbaai-munisipaliteit het aangedui dat tussentydse maatreëls moontlik ingestel sal word om te verhoed dat mense die gebou betree.

Die toekoms van die gebou bly onseker, aangesien die munisipaliteit nog moet besluit of dit gesloop, opgeknap of moontlik in 'n gemeenskapsentrum omskep sal word.

Sarah Jansen, Antoinette Laws en Cedric Jansen. Foto: Chelsea Pieterse

Volgens Cedric help die inwoners gereeld om die terrein skoon te hou en is die kinders in die omgewing bewus daarvan dat hulle nie binne die gebou mag speel nie.

Hy meen die gebou kan moontlik vir jeugbehuising ontwikkel word.

"Ons wil graag op hoogte gehou word van wat met die gebou gaan gebeur, aangesien die Power Town-gemeenskap al 31 jaar hier woon," het hy gesê.

Jansen glo ook dat die ontwikkeling van die gebou 'n toerismeaantreklikheid kan word en besoekers na die gebied kan lok.

Vorige artikel: Demolish or revive: Little Brak landmark hangs in the balance

‘Ons bring jou die nuutste Tuinroete, Hessequa, Karoo nuus’