MOSSELBAAI NUUS - Burgemeester Marie Ferreira se swak oordeel om eensydig en sonder skynbare geldige rede dr Gratz se diens onmiddellik te beëindig deur haar tot met 3 Augustus met verlof te stuur terwyl die munisipale bestuurder aangedui het dat sy sou verkies om haar kennisgewingstydperk voluit uit te dien, is die oorsaak van 'n skikkingsooreenkoms wat nou onnodige, onbegrote en onvoorsiene finansiële las op die begroting en gevolglik die belastingbetalers plaas.
Die gewraakte e-pos wat dr Gratz op 27 April, op sy versoek, aan mnr Piet Pretorius, Mosselbaai se DA-kiesafdelingshoof geskryf het, bevestig hoe die DA die Mosselbaai kiesers bedrieg het en dit weerspieël haar vroeë waarskuwing aan kiesers van wat die gevolge sal wees sou hulle in die komende munisipale verkiesing weer die DA met hulle stem vertrou.
In haar eie woorde bevestig dr Gratz dat sy en raadsheer Emil Scheepers Mosselbaai alleen bestuur het:
- "He (Scheepers) was the only councillor who was able to fulfill a strategic roll and launch initiatives to take the town forward. While the Mayor fulfilled her ceremonial function very well, it was entirely left to Scheepers to think and plan strategically for Mossel Bay."
- "The DA has not achieved anything remarkable in the past five years."
- "It appears that it is more important to the DA that councillors sit at by-elections smiling for the camera while they eat Kentucky Fried Chicken."
Dit is ernstige aantygings teen raadslede wat dissiplinêre optrede noodsaak. Dis skokkend, in ag genome dat die Burgemeester 'n uitvoerende amp met 'n groot salaris beklee bloot om, soos dr Gratz dit stel, "seremonieel" te funksioneer.
Dieselfde geld raadslede wat in gebreke bly om kiesers se belange te dien terwyl hulle 'n groot inkomste verdien om hoender te eet wat waarskynlik met belas-tingbetalers se geld gekoop is.
Dr Gratz rig 'n waarskuwing aan die DA, spesifiek die kiesers van Mosselbaai: "However, the DA should not be surprised if initiatives and innovation suddenly taper off after the elections and Mossel Bay will no longer be a Leading Municipality, but rather just a an ordinary also-ran Municipality.
This is my darkest hour in almost 20 years in local government. Just as Nenegate is now haunting the ANC, so too will Scheepersgate haunt the DA in Mossel Bay."
Die inhoud van dr Gratz se skrywe bevestig onweerlegbaar die onvermoë van die Burgemeester en die DA en dis duidelik hoekom die Burgemeester halsoorkop van dr Gratz ontslae wou raak, want dr Gratz beskik waarskynlik oor inligting wat die huidige raad kan ontbloot. 'n Skikkingsooreenkoms is die ideale oplossing om die DA, die Burgemeester en die Raad te beskerm.
Die Burgemeester het haar magte oorskry en die afleiding kan gemaak word dat minister Bredell, na die brief van dr Gratz, spoedig van haar ontslae wou raak voordat sy verdere inligting kon ontbloot.
Om dr Gratz haar rekenaar en e-postoegang te ontneem was waarskynlik daarop gemik dat sy nie dokumente en korrespondensie sou kon aflaai wat sy teen die Burgemeester, ander DA-raadslede of personeel kon gebruik nie en/of om belanghebbendes soos die belastingbetalers in te lig oor wat werklik binne Mosselbaai Munisipaliteit plaasvind nie.
Die VF+ betwyfel voorts of mnr Harry Hill oor die rele-vante kwalifikasies en/of ondervinding beskik om as munisipale bestuurder waar te neem.
Net die DA-koukus weet wat werklik wat die inhoud van die skikkingsooreenkoms is. Ook is die finansiële uitgawe aan regskoste nie openbaar nie.
Dis ongehoord dat in 'n openbare instelling soos 'n munisipaliteit, waar deursigtigheid voor-op gestel moet word, wettig verkose raadslede en die publiek in die duister gehou word. Soos met Naude Viljoen en Colin Puren, word dr Gratz die swye opgelê, word foute toegesmeer en die kiesers die ware feite weerhou.
Die DA-koukus moet besef dat Mosselbaai se kiesers keelvol is vir hul wanadministrasie en by die stembus met hulle sal afreken.
- Wat behels die besware wat dr Gratz in 2012 teen die Burgemeester ingedien het en wat het daarvan geword?
- Het raadslede deurgaans soos voorgeskryf hul belange verklaar en hulself van vergade-rings en besprekings verskoon wanneer items waarby hulle 'n voordeel/belang het, bespreek is?
Tydens die Spesiale Raadsvergadering van 23 Mei, waar dr Gratz se bedanking gedien het, het die Raad besluite geneem oor:
(b) dat een van die bestuurders, en nie 'n direkteur nie, mnr Harry Hill, as munisipale bestuurder sal waarneem;
(c) 'n Afskeidsfunksie op munisipale koste vir dr Gratz gereël moet word.
Dis is skokkend dat die DA nie die ander wettig verkose raadslede, wat tegelyk as werkgewer van dr Gratz gefunksioneer het, toegang wou gee tot enige van die relevante dokumente waarop die aanbeveling aan die Raad gebaseer was nie.
Lees verwante artikels hier onder:
- Chaos tydens spesiale raadsvergadering
- Gratz: Burgemeester verduidelik optrede
- Twee sterk vroue
- 'n Gewraakte e-pos
- Gratz skryf 'n gewraakte e-pos
- Acting Municipal Manager
- Klaring oor Gratz se uitdienstreding Maandag
- Gratz met verlof tot diensbeeïndiging
- Munisipale bestuurder toegang tot e-posse geweier
- Update: Municipal manager asked to leave
- Municipal Manager asked to vacate office
- Municipal manager resigns
- Shock over resignation
'Ons bring jou die nuutste Mosselbaai, Tuinroete nuus'
