MOSSELBAAI NUUS - Twee van Mosselbaai Tennisklub se spelers, HG Scheun en Stevie Keuler, is in die Suid-Afrikaanse tennisspan opgeneem om in die 55+ afdeling teen 25 ander lande se bestes deel te neem.
Die toernooi sal op die kleibane van La Baulle, Frankryk plaasvind. Die spankompetisies (vier mans in 'n span) vind vanaf 8 tot 12 Junie plaas en die individuele kompetisies vanaf 15 tot 20 Junie.
Die spankompetisies se wedstryde bestaan uit enkel- en dubbels-spelwedstryde.
Hoewel HG sê hy is so opgewonde soos 'n nuwe gr 1-onderwyseres, gee Stevie net so 'n onseker laggie oor wat wag.
Behalwe vir die tennistoernooie het hulle ook kaartjies vir Roland Garros.
Die twee opgewonde manne het voor hul vertrek die volgende vrae beantwoord:
HG: My telefoon, want ek moet kan bel as ek verdwaal.
Stevie: My vliegkaartjie en my raket.
HG: Roland Garros.
Stevie: Om te voel hoe dit is om op kleibane te speel.
HG: Niks.
Stevie: Vlieg.
HG: Moulin Rouge en Eiffeltoring.
Stevie: Bustoer en bootvaart in Pa-rys saam met my vrou en 'n besoek aan Amsterdam en omgewing.
HG: Oefen en oefen.
Stevie: Oefen en toernooie speel om ondervinding te kry.
Mosselbaai Tennisklub is trots op sy tennisspelers wat so presteer. Daan Spengler het ook verlede jaar die Suid-Afrikaanse tennisspan verteenwoordig in die 65+ afdeling in Turkye en sal moontlik later hierdie jaar weer die span in Kroasië verteenwoordig.
Ander spelers uit Eden wat gekies is, is Christine van Coller en Rida Bester van Oudtshoorn en Debra Hyde van Knysna, al drie in die 50+ afdeling.
Klik hier vir verwante artikels:
- Mosselbaai tennissterre op pad na Frankryk
- Tennisspelers van Mosselbaai presteer
- Wesbank tennisklub gemengde dubbels
'Ons bring jou die nuutste Mosselbaai, Tuinroete nuus'
