SUID-KAAP TENNIS NUUS - Eden-tennisvereniging het op Saterdag, 29 Junie met vier spanne die spanne van die Oostelike Provinsie op Oudtshoorn in hul jaarlikse vriendskaplike kragmeting net-net met 31-29 geklop.
Al die wedstryde was tot die einde in die weegskaal met die spelers wat mekaar behoorlik opgedreun en vir ‘n dag se goeie tennis gesorg het.
Die uitstaande kenmerk van die dag was die talle jong en belowende spelers wat in aksie was.
Eden se ope-span onder leiding van Jacques de Beer en Christene van Coller het hul eweknie van die OP met 13 wedstryde teenoor 11 geklop.
Die 40+span het met 12 potte gewen nadat die wedstryd- en steltellings gelykop was, terwyl die 50+-span met 13 potte en die 60+-span met ‘n enkele stel die wa deur die drif getrek het.
Die volledige uitslae van die wedstryd tussen die ope spanne is soos volg:
Mans
Enkelspel: Wimpie Helmand klop Marlu Janse van Vuuren 4-6, 6-2, 10-5; Damian Nezar klop Luke Stewart 6-1, 5-4; Christie Boshoff verloor teen Matthew Stewart 6-3, 2-6, 3-10; Marcell Petzer klop Michael de Lange 6-7, 6-3, 10-7; Jacques de Beer klop Brandon Rieseburg 6-1, 6-4;
William Rhodes klop Dylan Coert 6-2, 6-0.
Dubbelspel: Helmand en Nezar klop Luke Stewart en Janse van Vuuren 6-2, 2-6, 10-7; Boshoff en Petzer verloor teen Matthew Stewart en De Lange 0-6, 6-7; De Beer en Rhodes klop Rieseburg en Coert 6-2, 6-2.
Vroue
Enkelspel: Christine van Coller verloor teen Caitlyn Zietsman 3-6, 4-6; Berniece Bezuidenhout verloor teen Leila Nel 4-6, 5-7; Natasha Smit klop Kerry Pattinson 6-4, 3-6, 10-8; Susan Nortje klop Danielle Stander 2-6, 7-5, 10-2; Jane Schulz verloor teen Gerda Botha 0-6, 6-3, 3-10; Patricia Esterer klop Andrea Viagene 6-0, 6-1.
Dubbelspel: Van Coller en Bezuidenhout verloor teen Zietsman en Nel 4-6, 6-1, 5-10; Smit en Nortje verllor teen Pattinson en Stander 5-7, 2-6; Schulz en Esterer klop Botha en Viagene 7-5, 6-1.
Gemengde dubbels
Helmand en van Coller verloor teen Janse van Vuuren en Zietsman 6-7, 6-4, 5-10; Nezar en Bezuidenhout klop Luke Stewart en Nel 6-1, 6-4;
Petzer en Smit verloor teen Matthew Stewart en Pattinson 4-6, 6-3, 5-10; De Beer en Nortje verloor teen De Lange en Botha 3-6, 6-4, 6-10;
Boshoff en Schulz verloor teen Rieseburg en Stander 5-7, 3-6; Rhodes en Esterer klop Coert en Viagene 6-1, 6-2.
Die seëvierende ope-span van die Eden-tennisvereniging is voor van links: Patricia Esterer, Berniece Bezuidenhout, Natasha Smit, Jane Schulz en Christine van Coller. Agter van links staan Jacques de Beer, Christie Boshoff, William Rhodes, Damien Nezar, Marcell Petzer en Wimpie Helmand. Afwesig: Susan Nortje. Foto: Garnett Wicomb.
'Ons bring jou die nuutste Tuinroete, Hessequa, Karoo nuus'
