OUDTSHOORN NUUS - Collegians se eerste rugbyspan het Saterdag met 36-24 die onderspit gedelf teen Harlequins, op die weermagvelde. Met rustyd het Harlequins reeds met 22-10 voorgeloop.
Beide spanne het `n bonuspunt vir vier drieë verdien. Betran Hendricks (2), Nagel Cupido en Marcilino Marais het agter die pale gaan kuier. Juan Dido en Gerrie April het met verdoelskoppe geslaag.
Collegians B kon hul wedstryd net 19-13 wen. Die span het met rustyd `n voorsprong van 9-3 geniet. Christopher Herwill het Collegians se drie gedruk. Fabian LeKay was sy span se uitblinker met `n verdoelskop en vier strafskoppe wat deur die pale gejaag is.
Die naweek reis Collegians na Dysselsdorp vir hul wedstryd teen Rangers. Oudtshoorn reis na Prins Albert en Spring Roses reis na Beaufort-Wes.
In die Karoo-liga speel Kango United teen Avontuur op die Rec.
Verwante artikels:
- Oudtshoorn struikel teen Beaufort-Wes
- Collegians verloor titaniese stryd
- Rugbyspeler koelbloedig vermoor
Harlequins se eerste rugbyspan vier fees na hul oorwinning oor Collegians, verlede Saterdag. Foto: Ebenezer Titus
'Ons bring jou die nuutste Oudtshoorn, Klein-Karoo nuus'
