SUID-KAAP NUUS - 'n Groep skaakspelers van Eden het silwer en brons gedurende die spankompetisie van die Suid-Afrikaanse Skaakkampioenskappe gedurende Desember in Boksburg gewen.
Sowat 2 300 spelers van die onderskeie unies het aan hierdie skaaktoernooi deelgeneem. Dit was ook die eerste keer dat so 'n groot groep Eden-spelers deelgeneem het - 141.
Die onder 16A-span het in die B-afdeling die silwer medalje verower en die onder 18A-span die bronsmedalje.
Vyf spelers het op hulle borde die beste gevaar en 'n bordprys daarvoor verower.
Keaton Jantjies (o. 18A-span) - 1ste op bord 8
Aaron Saaiman (o. 18A-span) - 1ste op bord 5
Mitchell Kammies (o. 18A-span) - 1ste op bord 10
Sean Barrett (o. 16A-span) - 1ste op bord 3
Eden skaak bedank van harte elke spanbestuurder, skaakspeler en almal wat hulle kosbare vakansietyd opgeoffer het om Eden se naam hoog te hou.
Eden Skaak sê ook dankie aan Golden Harvest wat vir elke skaakspeler 'n hoedjie geborg het en aan al die ander borge wat die toernooi 'n groot sukses gemaak het.
Die 11-jarige skaakkampioen van George, Michael Sweetbert, is onderweg na die kompetisie ernstig in 'n motorongeluk beseer.
Die bankdetails van die fonds wat deur die Eden Skaakunie gestig is om sy peperduur mediese onkoste te help dek, is as volg:
Takkode: 632005
Rekeninghouer: SWD SSO
Rekeningnommer: 407 8216 928
Verwysing: Michaelfonds
Die o. 18A-span met hulle brons trofees. Van links voor: Bianca Combrinck, Ravic Fillies, Imraan Titoti, Taurique Khan, Keaton Jantjie en Chesslin Du Bee. Agter van links: Delbert Adams, Jordan Pillay, Mitchell Kammies, George Swart, George Lawerlot (spanbestuurder) en Jurgen Coetzee (spanbestuurder).
Die o. 16A-span met hulle silwer trofees is van voor links: Azriel Johnson (spanbestuurder), Jeneska Januarie, Karl Freeks, Melissa Stephanus, Suné Swart, Kerwin Albertus, Cornelia Joseph (algemene bestuurder). Agter van links: Keegan Campher, Elné Spies, Sean Barrett, Cornell Juta en Jordan Pillay.
'Ons bring jou die nuutste Tuinroete, Klein Karoo, Hessequa nuus'
