MOSSELBAAI NUUS - Bennie van den Heever was onkeerbaar toe hy vier van die vyf dissiplines gewen en as algehele wenner van die Neill Calitz-skietklub se maandelikse skietkompetisie op die Pienaar-skietbaan weggestap het.
Agt skuts het Saterdag 4 Julie aan die kompetisie deelgeneem, maar Van den Heever was deurgaans die man om te klop.
Hy het die .22 oor 10 m, .22 oor 20 m, snelvuur oor 20 m en die 9 mm oor 10 m gewen om die dag met 'n totaal van 35 punte af te sluit.
Die enigste dissipline waarin hy nie kon seëvier nie, was die metaalsilhoeëtte, waar hy met 'n gedeelde sesde plek tevrede moes wees.
Suzette Herrer het met 'n puik vertoning tweede geëindig met 27 punte, gevolg deur besoeker Jacques van den Heever (26), Gerrie Bester (25) en Hannes Ingram (24).
Die metaalsilhoeëtte het vir die grootste opwinding van die dag gesorg.
Jacques van den Heever, Gerrie Bester, Donovan Day en Hans Willemse het almal die maksimum vyf silhoeëtte binne die toegelate 20 sekondes platgeskiet en die eerste plek gedeel. Johan Uys was kort op hul hakke en het vier silhoeëtte omgeskiet.
Uitslae
.22 oor 10 m: 1. Bennie van den Heever; 2. Suzette Herrer en Hans Willemse; 4. Jacques van den Heever; 5. Gerrie Bester; 6. Hannes Ingram; 7. Johan Uys; 8. Donovan Day.
.22 oor 20 m: 1. Bennie van den Heever; 2. Suzette Herrer en Gerrie Bester; 4. Hannes Ingram; 5. Jacques van den Heever; 6. Johan Uys; 7. Donovan Day; 8. Hans Willemse.
Snelvuur oor 20 m: 1. Bennie van den Heever; 2. Jacques van den Heever; 3. Hannes Ingram; 4. Donovan Day en Suzette Herrer; 6. Gerrie Bester; 7. Johan Uys; 8. Hans Willemse.
Metaalsilhoeëtte (10 m tot 20 m): 1. Jacques van den Heever, Gerrie Bester, Donovan Day en Hans Willemse; 5. Johan Uys; 6. Hannes Ingram en Bennie van den Heever; 8. Suzette Herrer.
9 mm oor 10 m: 1. Bennie van den Heever; 2. Suzette Herrer en Hannes Ingram; 4. Donovan Day; 5. Hans Willemse; 6. Gerrie Bester; 7. Jacques van den Heever; 8. Johan Uys.
‘Ons bring jou die nuutste Tuinroete, Hessequa, Karoo nuus’
