OUDTSHOORN NUUS - Die SWD-tweekampspan het verlede Saterdag 'n puik vertoning gelewer deur twaalf medaljes in te palm by die OP interprovinsiale byeenkoms in Port Elizabeth.

SWD, wat deelgeneem het teen die Grens, OP en Vrystaat, het ook 'n algeheel tweede plek in die spankompetisie behaal en so stof in die oë van Grens en Vry-staat geskop.

Die medalje-oes het vyf goud, ses silwer- en een bronsmedalje ingesluit. Vyf SWD-atlete het ook onder die topvyf in hul ou-derdomsgroepe geëindig. SWD se Reinhardt Haupt het ook vir een van die byeenkoms se hoogtepunte gesorg toe hy die 100 m-swem in 57,80 afgelê het, dit nadat hy reeds die 2 000 m-hardloopitem voltooi het.

Die wenners was:
Dogters o.9: Lia Kotze Goud 2021;
Seuns o.9 Luca Potgieter Goud 2082;
Dogters o.13 Trisha Policutte Goud 2260;
Dogters o.13 Kirsten Barbour Silwer 2241;
Seuns o.13 Eugene van der Merwe Goud 2277;
Seuns o.13 Gustav Schlechter Silwer 2129;
Seuns o.15 André Kleyhans Silwer 2125;
Dogters o.17 Yvonne du Plessis Silwer 2188;
Seuns o.17 Reinhard Haupt Goud 2217;
Seuns o.19 Dylan van Wyk Silwer 2197;
Dames Ope Stephnie McKay Goud 1838 en
Mans Ope Francois Maquassa Silwer 1807.


Francois Maquassa

'Ons bring jou die nuutste Oudtshoorn, Klein-Karoo nuus'