EDEN DISTRIK NUUS - Kort na Corné Bence herkies is as Eden-fietsry se president, het hy Vrydagaand, 8 Desember by dié fietsryvereniging se sporttoekennings twee presidensiële toekennings aan Louis Visser (sr) en Kerrighan Aries gemaak.
Visser is deur Bence vir sy fietsryadministrasie, afrigting en skeidsregterswerk vereer. Aries se deurlopende podiumposisies reg oor die land, het Bence beïndruk.
Dr Jacques van Staden en Jessica Gerber is onderskeidelik aangewys as die senior sportman en -vrou.
Vir haar deelname en podiumposisies by die Wes-Kaap en SA padfietskampioenskappe, het Fienie Barnard die trofee vir die algehele beste prestasie ontvang.
Ander toekennings:
- Volharding: Jaco Mouton
- Ontwikkelingsfietsryer: Beyaunte Goliath
- Beste vertoning: Stephanie Coetzee
- Nuweling van die jaar: Annemie Koen
- Beste vordering (vroue): Chandré Schultz
- Beste vordering (mans): Breyton Hendriks
- Laerskole sportvrou: Suveena Arries
- Laerskole sportman: Matthew Brink
- Skole fietsryer van die jaar: Kerrighan Arries
- Beste akademieryer: Phillo Verlaat
- Junior sportvrou: Charlissa Schultz
- Junior sportman: Zack Aaron
- Junior sportspan: Bridgton Sekondêr-fietsryklub
- Senior sportspan: Team Cycle 4 Diabetes
- Klub van die jaar: Club 100 Garden Route
- Ere lewenslange lidmaatskap: Peter Plath
Eden-fietsry se nuutverkose bestuur is voor, van links: Stephanie Botha (verteenwoordiger gestremde ryers), Lee Aries (sekretaris), Corné Bence (president), Karin Bence (vroueverteenwoordiger) en Jessica Gerber (ryerverteenwoordiger). Agter: Daclon Aries (transformasie en ontwikkeling), Corné Botha (bergfietsryvoorsitter), Louis Visser (mediaskakel), Jade Gerber (baanfietsryvoorsitter), Essie Esterhuizen (rekreasie) en Frederick Botha (tesourier). Afwesig: Annemie Koen (padfietsryvoorsitter).
Dr Jacques van Staden (senior sportman) Dirk van der Westhuizen (departement sport en kultuur: Oudtshoorn) en Jessica Gerber (senior sportvrou).
Kerrighan Aries en Corné Bence.
• Die nuutverkose Eden-fietsrybestuur is, Corné Bence (president), Lee Aries (sekretaris), Frederick Botha (tesourier), Annemie Koen (padvoorsitter), Corné Botha (bergfietsvoorsitter), Jade Gerber (baanvoorsitter), Daclon Aries (transformasie en ontwikkeling), Jessica Gerber (ryerverteenwoordiger), Karin Bence (vroueverteenwoordiger), Stephanie Botha (gestremde ryers verteenwoordiger), Essie Esterhuizen (rekreasie) en Louis Visser (mediaskakel).
'Ons bring jou die nuutste Tuinroete, Hessequa, Karoo nuus'
