MOSSELBAAI NUUS - 'n Nuwe Burgemeester, onder-burgemeester en Speaker vir Mosselbaai sal op Dinsdag, 16 Augustus, tydens Mosselbaai se nuutverkose raad se eerste raadsvergadering aangewys word.
Die DA se oorweldigende prestasie in die pas afgelope verkiesing het meegebring dat Harry Levendal, as uitvoerende burgemeester, Dirk Kotzé, as uitvoerende onderburgemeester, en Petru Terblanche, as Speaker, gewilde keuses is en waarskynlik in hierdie poste aangestel sal word.
Twee nuwe gesigte sal as alleen-verteenwoordigers van hul partye vir die eerste keer hul plek in die opposisiebanke om die raadstafel in in geneem; Dawid Kamfer, as verteenwoordiger van Icosa, en oud-genl Niel van Heerden van die Vryheidsfront Plus (VF+). Namens die ACDP sal Jeanette Gouws haar plek oudergewoonte in die opposisiebanke ingeneem.
Die drie kleiner partye is in die opposisiebanke verwelkom deur die sewe ANC-raadslede, waaronder Jovan Bruinders, wat as die party se burgemeesterskandidaat bo-aan die proporsionele lys was, asook die vier nuutverkose wyksraadslede.
Mosselbaai bestaan uit 14 wyke, waarvan 10 deur die DA en vier deur die ANC verower is.
• Wyk 2: Nobuzwe Julia Mbolompo (ANC), 51,23%.
• Wyk 3: Wineka Primrose Fipaza (ANC), 67.76%.
• Wyk 4: Annatjie J van Rensburg (DA), 79.68%.
• Wyk 5: Anton Dellemijn (DA), 88.72%.
• Wyk 6: Mark Furness (DA), 86.13%.
• Wyk 7: Barend Groenewald (DA), 80.43%.
• Wyk 8: Dirk Kotze (DA), 89.75%.
• Wyk 9: Erica Meyer (DA), 45.60%.
• Wyk 10: Petru Terblanche (DA), 92.51%.
• Wyk 11: Marie de Klerk (DA), 71.70%.
• Wyk 12: Witness Thembeni Buda (ANC), 76.92%.
• Wyk 13: Rozina Ruiters (DA), 47.67%.
• Wyk 14, Cliffie Bayman (DA), 49.15%.
Benewens die vier wyksraadslede, het die ANC drie proporsionele setels gewen.
ARTIKEL: NICKEY LE ROUX, MOSSEL BAY ADVERTISER-NUUSREDAKTEUR
'Ons bring jou die nuutste Mosselbaai, Tuinroete nuus'
