‘n Anonieme inbeller, wat slegs as ‘n besorgde ouer geïdentifiseer wil word, het die News vertel van ‘n insident wat soos ‘n orgie geklink het en waarby leerlinge betrokke was.
Volgens gerugte het ‘n groepie meisies glo by die seunskoshuis ingeglip en ‘n “diens” aan die seuns gelewer totdat die koshuisvader hulle op heterdaad betrap het.
Volgens ‘n betroubare bron is die gerugte van drankmisbruik onwaar. Daar was glo net drie dogters en een seun betrokke.
‘n Noodvergadering is Dindsdagaand by die skool gehou waartydens die betrokke leerlinge, hul ouers en polisie teenwoordig was.
