Volgens kaptein Malcolm Pojie, die Suid-Kaapse polisiewoordvoerder, het die vrou eers stadig gery waarna die verdagtes dan ook hul spoed verminder het. “As sy haar spoed versnel het, het hulle dit ook gedoen. Hulle het op ‘n stadium voor haar ingery en haar tot stilstand probeer dwing.”
Naby die afdraai na Heroldsbaai, het twee van die vier mans in die motor uit die voertuig gespring. Een van die mans (met ‘n groen mussie) het ‘n vuurwapen rondgeswaai, waarna die slagoffer vinnig in die rigting na Heroldsbaai weggejaag het. Die verdagtes het daarna omgedraai en na George teruggejaag.
