Gerhard Venter sê sy vriend, Eben Swart, het einde 2013 kleinhoewe 118 in Raasblaarstraat op die Moloto-pad gekoop nadat dit vroeër in ‘n sakeonderneming omskep is.
Tydens die restourasie het die twee vriende op ‘n sementblad afgekom waar die voetafdrukke en name van vyf individue verewig is. Die name is Delia, Lyndel, Iwan, Deseré en Kevin.
“Ek weet nie of dit familielede van een van die vorige eienaars van dié kleinhoewe was nie,” het Venter gesê. “Ongelukkig is daar nie ‘n datum by nie, maar dit kan al vir 30 of 40 jaar, indien nie langer nie, daar wees.”
