Intussen is sommige universiteitseksamens afgelê met polisielede wat buite die eksamenlokale wag gestaan het.
Altesaam drie voertuie is laatmiddag aan die brand gesteek toe honderde betogers die strate om die Universiteit Stellenbosch (US) ingevaar het.
Brandbestryders is om 16:53 na Victoriastraat by die Admin C-gebou ontbied waar ’n motor van die US gebrand het, het Tasso Steyn, woordvoerder van die Stellenbosch-brandweer, bevestig. Betogers het toe na Ryneveldstraat gevlug en nog ’n US-motor by die Wilcocksgebou aan die brand gesteek.
Die Open Stellenbosch-beweging het gesê die US se taalbeleid kán voor die einde van die jaar verander word as daar ’n sterk institusionele wil is.
Dié groep, wat hom vir transformasie beywer, het Dinsdag ’n voorgestelde “alternatiewe taalbeleid” vir die US bekend gemaak. Die voorstelle is aan prof. Eugene Cloete, viserektor vir navorsing en innovasie, op die trappe van die Admin B-gebou oorhandig.
Dié groep, wat hom vir transformasie beywer, het Dinsdag ’n voorgestelde “alternatiewe taalbeleid” vir die US bekend gemaak. Die voorstelle is aan prof. Eugene Cloete, viserektor vir navorsing en innovasie, op die trappe van die Admin B-gebou oorhandig.
