NASIONALE NUUS - Om sonder 'n geldige testament tot sterwe te kom laat 'n administratiewe en finansiële nagmerrie vir familelede agter.
Aanstaande week vanaf 12 tot 16 September is Nasionale Testamente Week waartydens verskeie prokureurs en finansiële instansies regoor die land tetamente gratis opstel.
Die week bied 'n gulde geleentheid aan diegene wat weens finansiële beperkinge nog nie 'n testament kon laat opstel nie.
Twee lede van die Suid-Afrikaanse Regsvereniging, Jan van Rensburg en Mvuso Notyesi verduidelik dat 'n testament noodsaaklik is om te bepaal wie die oorledene se erfgename is, hoe bates verdeel moet word en wie voogskap oor minderjarige kinders kry. 'n Testament bepaal ook wie die ekseketeur van die boedel is.
word en dat die ekseketeur volgens jou wense en bepalings sal optree."
Hulle stel voor dat mense wat testamente wil laat opstel vooraf moet besluit wie hulle erfgename is en hoe bates verdeel moet word. Maak ook 'n volledige lys van bates en spesifiseer bepaalde items wat aan spesifieke mense agtergelaat moet word. Onthou ook om jou identiteitsdokument saam te neem.
Van Rensburg en Notyesi sê ook dat dit raadsaam is om prokureurs te gebruik vir die opstel van testamente aangesien hulle oor die nodige kennis en ervaring beskik om aan al die wetlike vereistes van testamente te voldoen. 'n Verdere voordeel is ook dat 'n prokureur enige probleme wat met die inhoud van 'n kliënt se voorgenome testament mag voorkom kan voorsien en aanpassings kan voorstel.
Probleme wat kan opduik indien 'n persoon sonder 'n geldige testament tot sterwe kom is onder andere:
- Bates sal moontlik nie verdeel word soos wat die oorledene dit wou doen nie.
- Dit duur baie langer om 'n boedel af te handel as daar nie 'n testament is ni.
- 'n Ekseketeur word aangestel wat nie noodwendig die keuse van die oorledene sou wees nie.
- Bykomende en onnodige kostes kan gehef word.
- Ongelukkigheid en konflik onder familielede kan ontstaan.
Laastens is dit ook belangrik om te onthou dat dit nie slegs mense sonder testamente is wat ter sprake is nie. Bestaande testamente is moontlik al verouderd en moet aangepas word.
Testamente is byvoorbeeld opgestel toe daar nog minderjarige kinders betrokke was, intussen is die kinders al uit die huis uit, daar is skoonfamilie betrokke en bates het dalk al drasties verander.
'Ons bring jou die nuutste Tuinroete, Klein Karoo, Hessequa nuus'
