MOTOR NUUS - Mitsubishi Motors het die bekendstelling van sy jongste klantgerigte inisiatief, Mitsubishi Care, aangekondig.
Dié inisiatief is spesifiek op nuwe Pajero-eienaars gerig en bied talle geriefs- en vernuwende dienste sonder bykomende koste, en dit vir 'n tydperk van aanvanklik 60 maande.
Van die dienste wat beskikbaar is, sluit in voorkomende skedulering van gewone versienings, die komplimentêre gebruik van topklas-leenvoertuie sowel as laebattery-waarskuwings.
- hul bestuurstyl te bestudeer en munt uit spe-sifieke belonings te slaan
- hul voertuig se ligging te monitor op 'n regstreekse kaart wat heersende verkeerstoestande aandui asook vorige ritte
- inligting te kry wanneer die voertuig hard versnel, hard rem en te vinnig ry
- tydreëls en geo-sones vir veiligheidsdoeleindes op te stel, bestuurstyl en ligging met vriende en familie te vergelyk en makliker toegang tot versekeringsertifikate te bied.
- impak-kennisgewing en Mitsubishi-padhulpdiens is ook deel van die standaard-pakket.
Klante kan aan die einde van vyf jaar (60 maande) besluit om die diens te beëindig of op eie koste daarmee voort te gaan. Indien die klant besluit om die diens te beëindig, sal die ingeboude opsporingstoestel sonder enige ongerief of bykomende koste afgeskakel word.
Wynand Pretorius, bedryfshoof van Mitsubishi Motors Suid-Afrika, sê navorsing het bewys dat die eienaars van weelde-sportnutse graag van verpersoonlike dienste gebruik maak om hul motorervaring te vervolmaak en te verbeter.
"Pajero is steeds die gesag op die gebied van uiterste veldryvermoë wat naatloos by stedelike gemak en praktiese gebruik aansluit, asook in die smaak van neigingsbewuste kopers val.
"Mitsubishi Care sal in 'n klantebehoefte voorsien en Mitsubishi en Pajero van sy mededingers in die weelde-sportnutssegment van die plaaslike mark onderskei. Ons weet ons het 'n wenformule met Pajero. Hierdie inisiatief bied ons net 'n platform om die waarde wat ons reeds aan ons klante bied, te verhoog. Nou sal ons ook die geleentheid kry om meer gereeld met hulle te kommunikeer," verduidelik Pretorius.
Alle Pajero-modelle word met 'n drie jaar of 100 000 km-waarborg en 'n vyf jaar of 100 000km-instandhoudingsplan verkoop. Versieningstussenposes is elke 10 000 km.
'Ons bring jou die nuutste Tuinroete, Klein-Karoo, Hessequa nuus'
