MOSSELBAAI NUUS - ’n Rooikat het sy pad na die Pinnacle Point-gholflandgoed in Mosselbaai gemaak.
Die dier is op 26 September deur huiseienaar Izak Nel afgeneem wanneer hy oor die gholfbaan loop.
'n Rooikat is 'n nagdiere, mediumgrootte wilde kat wat inheems is aan Afrika, die Midde-Ooste, Sentraal-Asië en droë gebiede van Pakistan en Noordwes-Indië. Die kat word gekenmerk deur 'n robuuste bouvorm, lang bene, 'n kort gesig, lang spits ore, relatief kort stert en lang oogtande.
Daar was deur die jare verskeie berigte van waarnemings, maar dit sou die eerste wees wat verfilm is, verduidelik Paul Hoeksema, Pinnacle Point se mediabestuurder.
Hoewel rooikatte nie as ’n bedreigde spesie beskou word nie, probeer Pinnacle Point enige diere wat op die perseel voorkom so goed moontlik beskerm.
“Ons hou by streng omgewingsbepalings om die beskerming van fauna en flora in fynbosgebiede binne die landgoed, wat die aangrensende bewaringsgebied insluit, te verseker,” sê Hoeksema.
Sommige gebiede rondom die gholflandgoed word as bewaringsgebiede beskou, wat alle areas op die landgoed insluit wat nie as natuurlike plantegroei aangeplant en onderhou word nie.
Sien video deur Izak Nel:
Op ’n vraag of die gholflandgoed iemand laat inroep het om die rooikat van die perseel te verwyder, sê Hoeksema omdat dit die dier nie moeilik is om op te spoor en te vang nie, en oor die algemeen as nie-bedreigend vir mense beskou word, het hulle besluit om dit met rus te laat.
‘Ons bring jou die nuutste Tuinroete, Hessequa, Karoo nuus’
