‘n Deel van die prys wat Mosselbaai losgeslaan het as wenner van die 2017 Kwêla Dorp van die Jaar-kompetisie is ‘n dorpsmakietie. ‘n Groep raakvatters het vandag onder leiding van die direkteur van korporatiewe dienste, mnr Edward Jantjies, by die munisipaliteit vergader om planne te beraam om hierdie ‘n fees sonder gelyke te maak.
Mosselbaai se munisipale bestuurder, adv Thys Giliomee, het ook ‘n beroep op inwoners gedoen om met trots die Dorp van die Jaar-toekenning te bemark.
“Ons sê aan alle inwoners en vriende wat vir ons dorp in hierdie kompetisie gestem het hartlik dankie. Mosselbaai is ‘n dorp om op trots te wees, ‘n handelsmerk wat vertroue inboesem. Mosselbaai is sinoniem met kwaliteit, topgehalte dienslewering.
Elke besigheid in Mosselbaai kan met trots die Dorp van die Jaar toekenning bydraend tot eie handelsmerk bemark.
Die beplanningskomitee sal met Kwêla die reëlings vir die dorpsfees finaliseer. Hou gerus die Mossel Bay Advertiser dop vir verdere inligting.
Dorp van die Jaar Makietie bestuurskomitee.
ARTIKEL & FOTO: NICKEY LE ROUX, MOSSEL BAY ADVERTISER JOURNALIST
'Ons bring jou die nuutste Mosselbaai, Tuinroete nuus'
