MOSSELBAAI NUUS - Andries Fourie, ook bekend as Oupa Andries, het op Donderdag 31 Julie sy 104de verjaardag gevier.
Fourie, die oudste van vier broers, is in 1921 op ’n plaas naby Robertson gebore.
Hy het in Oudtshoorn skoolgegaan en na matriek vir 40 jaar by die Suid-Afrikaanse Spoorweg- en Hawe-administrasie begin werk.
In sy vrye tyd was hy ’n ywerige tennisspeler en het hy dit geniet om instrumente soos die klavier, kitaar en konsertina te speel. Hy was ook ’n kranige jagter, hengelaar en kampioenveerpyltjiespeler.
Fourie het dit ook geniet om staanhorlosies as sy stokperdjie te restoureer.
Hy was met Hester getroud. Die egpaar het saam vyf kinders, nege kleinkinders en 10 agterkleinkinders gehad. Hester is 14 jaar gelede oorlede.
Andries woon nou by die Heuwelsrust-versorgingsoord in Mosselbaai.
‘Ons bring jou die nuutste Tuinroete, Hessequa, Karoo nuus’
