MOSSELBAAI NUUS - "Ek wil nie hê dat mense na die taxi-industrie as super spreaders van die koronavirus verwys nie,” het die Wes-Kaapse LUR vir vervoer en openbare werke, Minister Bonginkosi Madikizela, tydens ‘n verrassings besoek op Maandag, 14 Desember by die Mosselbaai-sakekern se taxistaanplek gese.
Hy het met met taxi-eienaars en bestuurders geskakel oor die nakoming van gereguleerde Covid-19-voorkomingsmaatreëls.
Die besoek aan Mosselbaai was deel van 'n blitsbesoek aan die Tuinroete om met taxi-verenigings, eienaars, bestuurders en passasiers te skakel.
In Mosselbaai het die uitvoerende burgemeester, Raadsheer Harry Levendal, die uitvoerende burgemeester van Garden Route, Memory Booysen, die adjunk-uitvoerende burgemeester van Garden Route, raadsdame Rosina Ruiters, en Mosselbaai se portefeuljevoorsitter vir gemeenskapsveiligheid, raadslid Niklaas Booisen die LUR vergesel.
'Ons bring jou die nuutste Mosselbaai, Tuinroete nuus'
