Leerder speel saksofoon vir fondse

MOSSELBAAI NUUS - 'n Graad 10-leerder van Hoërskool Punt, Matth Domingo woeker met sy talente. Matth is 'n semi-professionele saksofoon speler, 'n kort afstand atleet en 'n ywerige hokkiespeler. Matth is onlangs gekies om saam met mede-hokkiespelers in Oktober na Nederland te toer en in Desember Malaysia te besoek.

Matth het onlangs naam gemaak toe hy by die Point High School Talent Show eerste gekom het nadat hy 'n vertoning met sy saksofoon gelewer het.

Nadat Matth gehoor het dat hy gekies is om oorsee te toer, het hy dit goed gedink om vir homself fondse vir die toer in te samel.

Op Sondag, 23 April het Matth 'n vertoning saam met ander musikante met sy saksofoon by die Volkskerk se kerksaal gehou en R50 toegang vir besoekers gevra. Die geld wat Matth ingesamel het gaan hy gebruik vir sy oorsesetoer kostes. Volgens sy pa Josie het die vertoning baie goed afgeloop en was die kerksaal stampvol.

"Ons is baie trots op Matth en is dankbaar vir die geleentheid wat hy kry."

Matth Domingo in aksie met een van sy geliefkoosde sporte, hokkie.