Die pragtige klein hondjie is gister deur veearts dr Susi Kok onder hande geneem nadat die joernalis, Nickey le Roux, haar uit die besige pad gered het. Sy het by die omliggende huise na die hondjie se baas gesoek, maar niemand het haar opgeëis nie.
Volgens dr Kok is die hondjie in ‘n baie goeie toestand en sowat ses tot agt weke oud. Dr Kok het haar gebad en vir die oggend by haar praktyk getroetel. Dr Kok meen sy sal ontwikkel in ‘n middelslaggrootte hond.
Voordat die hondjie noodwendig na die DBV geneem sal moet word, het personeel van die Mossel Bay Advertiser gewonder of die regmatige eienaar, of straks ‘n barmhartige samaritaan wat graag ‘n pragtige hondjie wil hê, haar nie wil opeis nie?
Enige persoon wat belangstel, kan gerus Susan Graaff by die kantore van die Advertiser by 044 690 7156 kontak tot om 16:00 vandag.
'Ons bring jou die nuutste Mosselbaai, Tuinroete nuus'
