Twee van die mans was gewapen.
Volgens polisie was die restaurant se deure op die betrokke aand reeds toe, maar nie gesluit nie.
Kelners was besig om op te kas en het ‘n klop aan die skuifdeur gehoor waarna hulle die ses mans buite die deur gewaar het.
Mosselbaai-polisiewoordvoerder, ao Pieter Koekemoer sê die mans het aan King Fisher personeel gesê dat hulle drank wil koop. Nadat personeel aan die ses mans gesê het dat die restaurant nie meer drank verkoop nie, het die mans die skuifdeur oopgemaak en die restaurant binne gestorm.
Twee selfone en R16 000 kontant is beroof.
“Die mans het met die hele kasregister gevlug.”
Enigeen met inligting oor die voorval, word versoek om die ondersoekbeampte in die saak, ao Briel te kontak by 060 525 3848.
'Ons bring jou die nuutste Mosselbaai, Tuinroete nuus'
