Gallery
MOSSELBAAI NUUS - Eden Photographic Society (EPS) se maandelikse byeenkoms was op 13 September by die Diaz Hotel.
Daar is sewe kategorieë vir foto-inskrywings, naamlik: menslike portrette, landskappe, natuur, fotojoernalistiek, ope afdeling, visuele kuns en 'n voorgeskrewe onderwerp.
FOTOGALERY: Eden Photographic Society (EPS) se maandelikse foto's
September se voorgeskrewe onderwerp was Freeze the action.
Wenners
Die algehele wenfoto’s asook meriete-toekennings vir September is:
- Groep A wenner en meriete-toekenning: Carien Kruger se Droplet surprise (voorgeskrewe onderwerp).
- Groep B wenner: Lucia Greef se Tiger scouting the area (natuur).
- Groep B naaswenner: Marianna Erasmus se Sunrise Madikwe (landskappe).
- Meriete-toekenning: Pierre Jordaan se Reuse visvanger met krapvangs (voorgeskrewe onderwerp) asook sy Swaelstertbyvreters op tak (natuur).
Sterstatus bevorderings in EPS klub:
Charne van der Westhuizen word bevorder na 1-ster status, Lucia Greeff en Marianna Erasmus na 2-ster status, Ilzabe Pietersen na 3-ster status en Elizabeth Nicholson na 5-ster status. Baie geluk en welgedaan aan hierdie lede.
Besoekers is welkom om die klub se foto-beoordeling by te woon. Dit vind elke tweede Dinsdag van elke maand om 19:00 plaas. Alle belangstellendes en fotografie-entoesiaste is welkom om by die klub aan te sluit.
Vir enige navrae oor die klub kan Michael van Schalkwyk (082 953 7671) gekontak word.
Lesers kan na EPS se Facebookblad gaan kyk - Eden Photographic Society.
'Ons bring jou die nuutste Mosselbaai, Tuinroete nuus'
