MOSSELBAAI NUUS - Die stemlyne is nou oop om vir Mosselbaai as die 2017 kykNET Kwêla Dorp van die Jaar te stem!
Die dorp met die meeste stemme wen, en die wendorp word op Woensdag 7 Junie bekend gemaak.
Mosselbaai is die Wes-Kaap finalis.
Om te stem, stuur 'n SMS met die woord "Mosselbaai" na 33157. Die stemlyne is oop tot 12:00 op Dinsdag, 30 Mei. Let wel dat net 30 SMS'e per selfoonnommer toegelaat word. Slegs selfone van selfoonnetwerke in Suid-Afrika en Namibië kan aan die kompetisie deelneem. Elke SMS kos R1,50.
Benewens die titel as die 2017 Dorp van die Jaar, sal die wendorp 'n allemintige R1 miljoen in bemarkingswaarde van kykNET losslaan.
Homebrew Films, die vervaardigers van Kwêla, sal 'n 30-sekonde-advertensie oor die dorp maak, wat gedurende kykNET se advertensietyd uitgesaai sal word.
Onthou, Mosselbaai verteenwoordig die ganse Wes-Kaap - nooi gerus al die familie en vriende om ook vir die dorp te stem!
Stem nou!
'Ons bring jou die nuutste Tuinroete, Klein Karoo, Hessequa nuus'
