MOSSELBAAI NUUS - Danksy Mosselbaaiers se goedhartigheid, was die Mossel Bay Advertiser hierdie week in staat om 'n hele paar graad een'tjies toe te rus met die nodige skryfbehoeftes vir skool.
Enige ouer wat aan die begin van die jaar 'n skryfbehoefte-lysie ontvang, sal weet dat die aankoop van al die verlangde items 'n reuse gat in die beursie kan laat. Selfs R500 bring mens nie baie ver nie, én dan moet daar nog begroot word vir 'n volledige skooluniform, skooltas, handboeke en skoolfonds.
Ons koerant se Oliver Twist-gemeenskapsuitreikprojek het ons al telkemale daaraan herinner aan die reuse nood in ons dorp, en daarom is ons baie dankbaar dat ons deur middel van die Skryfbehoefteprojek ten minste 'n paar kindertjies se tassies te kon vul met skryfbehoeftes wat hul ouers nie noodwendig self sou kon bekostig nie.
Ons wil hiermee baie dankie sê aan elke individu en besigheid, wat 'n bydrae gelewer het:
- Coetzee Alberts Argitekte
- On Tap Mosselbaai
- Classica Stationery
- Joan's Bloemiste
- Curro Privaatskool - die leerders wat mekaar uitgedaag het om skenkings te maak
- Elize de Beer
- Mariana Brand
- Elke liewe anonieme skenker, ook diégene wat nagelaat het om hul name te gee.
- Enigiemand anders wie se name ons dalk per abuis nagelaat het om te noem.
Klik hier vir 'n vorige artikel.
'Ons bring jou die nuutste Mosselbaai, Tuinroete nuus'
