MOSSELBAAI NUUS - Die Mossel Bay Advertiser ondersteun die Woordeboek van die Afrikaanse Taal (WAT) se Woord van die Week-inisiatief. Om 'n woord te borg, besoek www.wat.co.za

rakker selfstandige naamwoord, rakkers; rakkertjie.

1 Iemand, veral ’n kind of jong persoon, wat besonder lewenslustig, ondeund, onnutsig of stout is en, dikwels onwetend, probleme, kommer of ergernis veroorsaak: Almal het gely onder die twee rakkers se streke. Twaalf rakkertjies staan bang en wag om ingeroep te word na die kantoor (J Kloppers: Groenfontein, 1953, 16).

2 Karnallie of ellendeling: Daardie sproetneusnooi is ’n rakker, ’n skelm en ’n gevaar.

3 Iets wat ’n toonbeeld van parmantige doeltreffendheid of uitnemendheid is: Citi Golf-liefhebbers weet dat die oorspronklike Sport 'n wakker rakker was (Die Burger, 22 September 1988, bylae, 1).

'Ons bring jou die nuutste Mosselbaai, Tuinroete nuus'