MOSSELBAAI NUUS - Die SAPD Da Gamaskop is aktief besig om gesprek te voer met lede van die gemeenskap in hulle bedieningsarea.
Die eerste van 'n reeks eksterne Imbizos het reeds verlede week in D'Almeida plaasgevind, waartydens lede van die gemeenskap goeie terugvoering gegee het rakende die effektiwiteit van straatkomitees en buurtwagte in die bekamping van misdaad in hulle omgewing.
"Te oordeel aan die terugvoering, wil ons die gemeenskap opnuut motiveer om betrokke te raak by misdaadbekamping. Die mees effektiewe teenvoeter vir misdaad in jou omgewing is om verantwoordelikheid te neem. Ken jou bure en ken jou straat," meen Kapt Wollie Fourie, kommunikasie-beampte van die Da Gamaskop-polisie.
Die sektor-bevelvoerders vir Sektor 1, 2 en 3, onderskeidelik Adjudant-offisiere Morné van der Heyde, Tommie Kleynhans en Pierre Botha, verwelkom misdaadvoorkomingsinisiatiewe vanuit die gemeenskappe.
Hulle kontaknommers is soos volg: Ao van der Heyde - 044 606 2215 (Sektor 1); Ao Kleynhans (Sektor 2) - 082 522 1709; Ao Botha (Sektor 3) - 079 879 9093.
Die volgende vergaderings is gereël met die gemeenskap. Alle vergadering begin om 19:00.
* Uitbreiding 13, 23 en 26: 17 Maart (Nativity-kerksaal)
* Diasstrand: 21 April (lokaal sal nog bevestig word)
* Ruiterbos: 12 Mei (Ruiterbos-gemeenskapsaal)
* Brandwag : 19 Mei (Brandwag-gemeenskap-saal)
* Hartenbos: 11 Junie (Hartenbos Laerskool)
* Sonskynvallei: 18 Junie (Sonskynvallei)
Navrae kan gerig word aan Kapt Wollie Fourie by 044 606 2200.
'Ons bring jou die nuutste Mosselbaai, Tuinroete nuus'
