MOSSELBAAI NUUS - Die organisasie, People Against Race Classification (PARC) het op Dinsdag, 4 Januarie op Hartenbos 'n bewusmakingsveldtog van stapel gestuur.
Onderwyser en inwoner van Oudtshoorn, Glen Snyman is aan die stuur van die veldtog.
Hy sê PARC probeer mense se steun vir die veldtog werf. Dit behels dat alle Suid-Afrikaners hulself as Afrikaners en nie noodwendig as blank, swart of kleurling beskou nie.
"Ons wil hê dat mense, ten spyte van hul velkleur op vorms waar dit aangedui moet word, hulself as 'African' moet merk om hul misnoeë teen die rasseklassifiseringsblokkies op vorms aan te dui."
Snyman sê hulle wil hê die regering moet alternatiewe opsies gebruik.
Die organisasie bestaan sedert 2010. PARC-ondersteuners het pamflette oor die organisasie se visie en missie uitgedeel.
'Ons bring jou die nuutste Mosselbaai, Tuinroete nuus'
