In vanoggend se voorval, het die bestuurder van die voertuig dit as ‘n poging tot kaping beleef, maar later is daar ‘n saak van opsetlike beskadiging by die KwaNonqaba-polisie aanhangig gemaak. Die voorval het omstreeks 02:00 by die Danabaai-afrit plaasgevind het toe die voertuig se ruit stukkend gegooi is.
Dit volg na ‘n nog ‘n voorval gisteroggend toe 3 vrouens by die aansluiting van Casinoweg en Louis Fourieweg gekaap is. ‘n Verdagte is deur die misdaadvoorkomingseenheid gearresteer.
Die voertuig, ‘n Audi A4, is vroeg gisteroggend deur die KwaNonqaba-polisie in Elangeni, KwaNonqaba, opgespoor waar dit agter die varkplaas weggesteek was.
Hierdie saak is intussen na die motorvoertuigdiefstaleenheid op George oorgeplaas. Enige persoon met inligting word versoek om dit deur te gee aan 082 446 5497.
Klik hier vir vorige artikels:
'Ons bring jou die nuutste Mosselbaai, Tuinroete nuus'
