MOSSELBAAI NUUS - 'n Senior onderwyser, wat reeds 33 jaar onderwys gee waarvan 23 jaar by 'n Mosselbaaise hoërskool, en wat in September gearresteer op 'n Bylae 5-aanklag na bewerings van die seksuele aanranding van 'n 15-jarige seun, verskyn weer vandag, Vrydag 16 Januarie in die Mosselbaai Landdroshof.
Die onderwyser het borgtog van R2 000 met streng voorwaardes gekry. Die beskuldigde mag intussen nie die skoolterrein betree nie en op geen wyse met die ondersoek inmeng nie. Hy mag ook nie die Mosselbaai-distrik verlaat sonder die medewete van die ondersoekbeampte, Ao Allistor Rezant van die GKS nie, en word verplig om alle hofverrigtinge by te woon.
Asla-verkragter
Die verdagte man wat verlede jaar glo 'n sewejarige meisie in Asla Park verkrag het, verskyn weer op 20 Januarie in die hof. Die verhoor behoort na verwagting op dié datum te begin.
Verkragting
Die 42-jarige man van Tergniet in Groot-Brakrivier, wat van die verkragting van sy 79-jarige ma aangekla word, wag steeds vir 'n bed in die psigiatriese hospitaal in Valkenberg. Die man het na bewering sy bejaarde moeder vir etlike jare verkrag. Sy is intussen aan natuurlike oorsake oorlede. Hy word ook van die verkragting van sy nege-jarige broerskind, wat in dieselfde huis gewoon het, aangekla. Die man is tans op die waglys vir 'n bed. Hy verskyn weer 22 Januarie in die hof.
A woman from Mossel Bay who was summonsed to appear in the Mossel Bay Magistrate's Court on various charges, including child neglect, appeared in court on 10 December 2014. The 40-year-old mother allegedly gave her two-year-old child an overdose of anti-depressants for a period of time.
The baby girl is underdeveloped and was admitted to a local hospital. She has since been placed in foster care. The case was postponed to today, 16 January.
Ruiterbos-boer pleit onskuldig
Die hofsaak van 'n boer van Ruiterbos, wat daarvan verdink word dat hy plaaswerkers se kinders vir etlike maande op sy plaas seksueel aangerand het, gaan weer op 22 Januarie in die Mosselbaai Streekhof voort. Die man, wat in sy laat vyftigerjare is, word van seksuele aanranding aangekla.
Die slagoffers was tussen die ouderdom van 10 en 15 jaar tydens die beweerde seksuele aanrandings. Die boer pleit onskuldig op al die aanklagte teen hom.
Die verdagte man van Heiderand wat van verkragting aangekla word op twee minderjarige meisies, verskyn weer op 24 Februarie in die Mosselbaai Streekhof.
ARTIKEL: LOUISE KARSTEN, MOSSEL BAY ADVERTISER-JOERNALIS
'Ons bring jou die nuutste Mosselbaai, Tuinroete nuus'
