MOSSEL BAY NEWS - Stranded Marine Animal Rescue Team (SMART) het ontstaan as inisiatief van 'n paar rolspelers wat 'n liefde het vir die voortbestaan van mariene dierelewe.
Die uitspoel van 'n walvis in 2015 op Suiderkruisstrand het geweldige negatiewe kommentaar uitgelok het oor die hantering asook die uiteindelike dood van die dier.
Grotendeels, omdaat daar geen behoorlike protokol op daardie stadium in plek was nie.
Verskeie protokolvergaderings is daarna gehou waar lede van die NSRI, inwoners, lede van al die bewareas, SAPREC (Seabird and Penguin Rehabilitation Centre), Mosselbaai Dierebeskermingsvereniging (DBV), die Mosselbaai munisipaliteit en rampbestuur, haweowerheid, lede van die departement landbou, bosboue en visserye, Amanda Human by die Dias Maritieme Museum, MEP, natuurbewaring en ander belangstellendes teenwoordig was.
'n Protokol is gevorm waarvolgens alle strandings hanteer sal word in samewerking met die departement van omgewingssake se mnr Mike Meyer.
* Desember 2015 – die uitspoel van Kaapse pelsrobwelpies op strande. Die vinnige hantering van oproepe deur die publiek het tot gevolg gehad dat sowat 120 welpies van die strande verwyder kon word en weer vrygelaat is op Robbe-eiland.
* Sowat 45 karet-seeskilpaaie wat op strande uitgespoel het, is deur die groep hanteer en na Two Oceans Akwarium gestuur vir vrylating.
* Die stranding van 'n Trues Beaked Whale by Suiderkruisstrand is vinnig deur die groep gerapporteer en die owerhede is in kennis gestel. Hoewel die dier nie gered kon word nie, is waardevolle inligting deur Amanda Human versamel vir navorsing.
* Samewerking met SAPREC (Seabird and Penguin Rehabilitation Centre) in Mossdustria het deurlopend die afgelope twee jaar plaasgevind deurdat die vrywilligers van SMART betrokke was by die optel van verskeie seevoëls en pikkewyne.
SMART is as 'n nie-winsgewende organisasie gestig waarvan dr Frans de Graaff, Anton Dellemijn en Tersia Marais die direkteure is.
Hantering van alle mariene strandings naamlik walvisse, dolfyne, robbe en seeskilpaaie geskied soos volg:
* Die publiek/ DBV/ nooddienste/ SAPD rapporteer strandings op die noodnommer. Die boodskap word dan op 'n WhatsApp-groep geplaas waarna persone wat beskikbaar is, na die strandingstoneel gaan.
* Terugvoering oor die aard en intensiteit van die stranding geskied op die WhatsApp-groep.
Inligting aangaande SMART word gereeld deur middel van die gedrukte media asook radio-onderhoude (Eden FM, Algoa FM en onlangs op Pretoria FM) aan die publiek deurgegee. Hulle poog om met alle organisasies saam te werk om sodoende alle strandings so vinnig moontlik te hanteer om die diere se lyding so min as moontlik te maak.
Vir SMART gaan dit absoluut oor die welstand van die dier. Die groep bestaan tans uit sowat 70 vrywilligers wat almal 'n liefde en passie vir die natuur het en hoewel hulle nie wetenskaplikes of kenners is nie, word die geleentheid aan inwoners gebied om aktief betrokke te wees by die bewaring van mariene lewe in samewerking met die kundiges.
SMART se missie is "Rescue, Rehabilitate, Release" waar moontlik.
Kontakbesonderhede vir die rapportering van alle marienestrandings is:
Dias Museum - 044 691 1067 tydens kantoorure.
Dr Frans de Graaff (084 620 3139), Anton Dellemijn (072 150 1823) en Tersia Marais (072 227 4715).
SMART het nie 'n webtuiste nie, maar maak gebruik van facebook: Stranded marine animal rescue team.
ARTIKEL: TERSIA MARAIS, MOSSEL BAY ADVERTISER-KORRESPONDENT
'Ons bring jou die nuutste Mosselbaai, Tuinroete nuus'
