MOSSELBAAI NUUS - Lede van die vrouegroep, Breathe, het 'n woelige paar maande beleef waar hulle onder meer die voorreg gehad om na wonderlike vroue en hul stories te luister.
Esmari Glinister het oor haar boek, wat vrees en leuens aanspreek, gesels, Marilette Geldenhuys het haar reis met die lede gedeel waar hulle kon hoor van God se getrouheid tussen tienduisende ander en Natasha Joubert het hulle bederf met haar talent en gemotiveer om te blom waar jy geplant is.
Breathe is 'n geleentheid waar vroue elke eerste Dinsdag van elke maand om 18:00 by Garden Route Funeral Services in Blandstraat (reg oorkant De Jagers in die dorp) bymekaar kom om na inspirerende stories te luister, ander vriendinne te ontmoet en net bietjie te b-r-e-a-t-h-e-.
Almal is welkom. Hulle volgende geleentheid is op 6 Junie.
Marilette Geldenhuys
Esmari Glinister
‘Ons bring jou die nuutste Tuinroete, Hessequa, Karoo nuus’
