MOSSELBAAI NUUS - Gedurende die 2014 Kersvakansie het Boggomsbaai Gholfklub verskeie borgdae aangebied. Ons was gelukkig om lekker vol velde te trek met heelwat besoekers wat ook kom speel het.
Boggomsbaai se unieke omstandighede bied uitsonderlike uitdagings aan gholfspelers wat nie aan die droë skoonvelde en oliesetperke gewoond is nie, maar na die tyd kuier almal lekker saam en is die speelveld weer dieselfde vir almal.
Jakkalsvlei-borgdag
Jakkalsvlei Wynlandgoed het op 13 Desember geborg. Baie dankie, Jantjie Jonker, vir jou belangstelling in ons gholfklub.
In dié Indiwiduele Stableford-kompetisie het die volgende spelers die beste gevaar: 1. Willem van Wyk 39; 2. Willie van Wyk 37; 3. Jaco Pienaar 37; 4. Cassie Swanepoel 36; 5. Johan Muller 36; 6. Thinus Prinsloo 34.
Fred Orban van Boggomsbaai se Sandpiper Cottages het ook vir ons 'n paar ekstra bottels wyn van Jakkalsvlei geskenk. Baie dankie, Fred!
Buffelsdrift Game Lodge en Boggomsbaai se Gholfklub het 'n borgverbintenis wat al 19 jaar aankom en op 20 Desember was Andries van Schalkwyk, besturende direkteur van die Lodge, dan ook oudergewoonte op sy pos by die
Boggomsbaaiers.
Andries doen elke jaar baie moeite met die borgdag op Boggomsbaai deurdat hy al sy verskaffers vra om 'n prys by te dra. Baie dankie vir al jou moeite en dra asseblief ons dank ook aan hulle oor!
In dié Beterbalkompetisie het die volgende pare die beste gevaar: 1. Hardus van Zyl en Henk Pienaar 45; 2. Willie en Willem van Wyk 44; 3. Philip Fourie en JC Vorster 44; 4. Malan Cronje en Chris Feiertag 44; 5. Fanie Stander en Willie Oosthuizen 43; 6. Jaco Pienaar en Johan Muller 43.
Vleesbaai Eiendomme-borgdag
In ons laaste borgdag van 2014 het Van le Roux van Vleesbaai Eiendomme op 27 Desember die dag aangebied. Baie dankie, Van, ook vir jou belangstelling in ons klub se sake en ons wens jou 'n voorspoedige 2015 toe!
In dié IPS-kompetisie het die volgende spe-lers die meeste punte behaal: 1. Thinus Prinsloo 43; 2. Hennie Pienaar 39; 3. Andries van Schalkwyk 36; 4. André Goetz 36; 5. Willem van Wyk 36; 6. Cassie Swanepoel 35.
Klubkompetisie
Op 3 Januarie het die klub 'n klubkompetisie gehou en het die volgende manne goed gespeel (IPS):
1. André Goetz 43; 2. Thinus Prinsloo 41; 3. André Beukes 38; 4. Henk Pienaar 38; 5. Willem du Plessis 37; 6. Cassie Swanepoel 37.
Op 10 Januarie is daar 'n Beterbalkompetisie gehou met die volgende uitslag:
1. George Deerans en Willem du Plessis 48; 2. Johan Muller en Gerrie Gouws 46; 3. Reynold Kahl en Chris Feiertag 45; 4. André Goetz en Marius Loubser 44; 5. Willie en Willem van Wyk 43; 6. André Beukes en Julian Bruyns.
Boggomsbaai Gholfklub wil graag aan almal wat verbintenis met ons het 'n baie voorspoedige 2015 toewens. Mag dit met julle almal goed gaan in die nuwe jaar!
Wenners van die Buffelsdrift-borgdag: JC Vorster, Henk Pienaar, Philip Fourie, Hardus van Zyl, Andries van Schalkwyk (borg), Willie en Willem van Wyk, Chris Freitag en Malan Cronjé.
Wenners van die Vleesbaai Eiendomme-borgdag: André Goetz, Andries van Schalkwyk, Hennie Pienaar, Thinus Prinsloo en Van le Roux (borg).
'Ons bring jou die nuutste Mosselbaai, Tuinroete nuus'
